पलेटी कसेर खाना खानुका यस्ता चमत्कारि फाइदा

जमिनमा बसेर खाना खाने हो भने धेरै फाइदाहरू हुने स्वास्थ्य विशेषज्ञहरुको दावी छ । जमिनमा बसेर खाना खाँदा एक विशेष योगाशनमा हामी बस्ने गर्छौ जसलाई सुखासन भनिन्छ । सुखासन पद्माशनको एक रूप हो । सुखासनमा बस्दा पद्माशनमा बस्दा हुने फाइदाहरू नै हुने योगा गुरूहरू बताउँछन् ।

जमिनमा बसेर खाना खाँदा के-के फाइदा हुन्छन्

सुखाशनले शरिरभरी समान रूपले रक्तसञ्चार गर्न मद्धत गर्छ

जमिनमा बसेर खाना खाँदा सहज रूपमा खाना खान सकिन्छ

यसरी बसेर खाँदा मोटोपन, अपच, कब्जियत, एसिडिटी तथा अन्य केही पेट सम्बन्धी बिमारीलाई पनि केही कम गर्छ ।

जमिनमा सुखासनमा बसेर खाना खाँदा मनको एकाग्रतामा बृद्धि हुन्छ ।

यसले हाम्रो छाती र खुट्टालाई बलियो बनाउँछ ।

यो आशनमा बस्दा मानसिक तनावबाट पनि मुक्ति पाउनुका साथै मनमा सकारात्मक विचार आउँछन् ।

खाना मा रुची बढाउने केहि टिप्स

१. कागतीको रस पानीसँग खाँदा भोक बढ्छ ।

२. पेटको अग्नि कमजोर भएपछि खाना पच्दैन र खाना रुचिकर समेत हुँदैन ।

३. खाएको खाना राम्रोसँग पचेन भने भोक लाग्दैन र त्यसको स्वाद पनि पाइँदैन ।

४. हर्रोको चूर्ण र सुठो सख्खर वा सिधे नुनसँग खाँदा मन्दाग्नी ठीक भएर भोक बढ्छ ।

५. बिरेनुन अर्थात् कालोनुन चाट्दा ग्याँसको समस्या हट्छ, भोक बढ्छ र पेट सफा हुन्छ ।

६. हर्रो एवं सुठोको चूर्ण तथा सख्खर मोहीमा मिसाएर खाँदा भोक बढ्छ र पेटको समस्या समाधान हुन्छ ।

७. दैनिक स्याउ खाँदा भोक बढ्छ भने रगत शुद्ध अनि पेट सफा हुन्छ ।

८. ज्वानोको पाउडरमा सिधेनुन मिसाएर बिहान मनतातो पानी पिउँदा भोक बढ्छ भने बाथ रोगमा पनि फाइदा हुन्छ ।

९. जायफल चूर्ण १ ग्राम महसँग चाट्दा मन्दाग्नि हटेर पाचन अग्नि प्रबल हुन्छ ।

१०. कागतीको रस पानीसँग खाँदा भोक बढ्छ ।

११. खाना खानुभन्दा पहिले अदुवा र सिधेनुन खाँदा भोक बढ्छ ।

खानामा किटाणुहरू नफैलिउन् भन्नका लागि केहि टिप्स

१. खाना पकाउनुअगि, खाना खानुअगाडि र केटाकेटीलाई खाना खुवाउनुअगि साबुनपानीले राम्ररी हात धुनुहोस्। हात राम्ररी धुनाले रोग फैलन

२. काँचै खाने फलफूल र तरकारीको बोक्रा ताछेर वा राम्ररी धोएर मात्र रोकिन्छ / हात पुछ्न एउटा सफा खानुहोस्। टालो राख्ने गर्नुहोस्|

३. खानेकुरामा थुकका छिटा पर्न नदिन खाना राखिएको ठाउँमा खोक्ने, थुक्ने, नियमित धोएर घाममा सूकाउने बुइगम र पानजस्ता चिजहरू चपाउने गर्नुहुँदैन ।

४. काँचै खाइने खानेकुरासँग काँचो मासु, माछा आदि राख्नुहुँदैन।

५. मासु काटिसकेपछि हात, हतियार र अचानो राम्ररी पखाल्नुहोस् ।

६.खानेभाँडाहरू जनावरहरूलाई चाट्न नदिनुहोस्। भरसक जनावरहरूलाई भान्छाकोठामा पस्न नदिनुहोस् ।
बिग्रिएको खाने कुरा तुरुन्तै फाल्नुहोस ।

खाना बिग्रनुका केही लक्षणहरू तल दिइएका छन्

१. नमीठो गन्ध ।

२. खानाको रङ्ग परिवर्तन हुनु । (उदाहरणका लागि काँचो मासुको रङ्ग रातोबाट खैरोमा बदलिन्छ ।)

३. नराम्रो गन्धसहित माथिल्लो तहमा धेरै फोका उठ्नु, जस्तै झोल भएका पुराना (बासी) तरकारीहरूमा देखिन्छ ।

४. मासु तथा पकाएको खानेकुराको माथिल्लो तहमा काइ लेउ) जम्नु ।

माइक्रोओभनमा पकाइएको खाना खानु खतराजनक

१. रोग प्रतिरोधात्मक क्षमतामा कमी

नियमित रूपमा माइक्रोवेभमा पकाएको खाना खानाले व्यक्तिको रोग प्रतिरोधात्मक क्षमतामा कमी आउने गर्छ । परिणामस्वरूप, शरीरले विभिन्न व्याक्टेरिया वा जीवाणुका कारण हुनसक्ने संक्रमणलाई रोक्न सक्दैन व्यक्तिलाई विभिन्न रोगको संक्रमण हुने गर्दछ ।

२. पौष्टिकता नष्ट हुन्छ

माइक्रोवेभमा खाना पकाउने तथा तताउनाले खानाको पौष्टिकता ६० देखि ९० प्रतिशतसम्म कम हुने गर्छ । खाद्यान्नको संरचनामा नै परिवर्तन हुने भएकाले यस्ता खाना खानाले फाइदाको सट्टा हानि पुर्‍याउने गर्छ |

३. क्यान्सरको खतरा

माइक्रोवेभबाट उत्पन्न हुने विकीरणले दूध तथा दालमा क्यान्सरजन्य तत्वको निर्माण गर्छ । यसमा पकाइएको खानेकुुरा खानाले रगतमा क्यान्सरको कोशिकाको संख्या बढ्ने गर्छ ।

४. पाचन समस्या

माइक्रोवेभमा खाना पकाउदा खाना चाँडै पाक्नुका साथै कम समयमै खाना तातो त हुन्छ तर यसबाट उत्पन्न हुने हानिकारक विकीरणले खाद्य पदार्थमा यस्तो परिवर्तन गराइदिन्छ कि मानिसको पाचन प्रणालीमा गडबडी देखा पर्छ ।

५. चाउरीपना तथा बुढ्यौली निम्त्याउँछ

माइक्रोवेभमा कम समयमा खाना पाक्छ । जसका कारण खाद्य पदार्थको पौष्टिकता नष्ट हुने गर्छ । यस्ता खाद्य पदार्थको सेवनले असमयमै अनुहार चाउरी पर्नुका साथै समयअगावै बुढ्यौली निम्तने गर्छ । यसमा बनाएको खाना खानाले छाला सम्बन्धी क्यान्सर हुने खतरा वृद्धि हुन्छ ।

६. मस्तिष्कको लागि हानिकारक

माइक्रोवेभमा पकाएको खाना खाने व्यक्तिको मस्तिष्कमा समेत यसले प्रतिकूल प्रभाव पार्छ । यसले मानव मस्तिष्कमा अल्पकालीन तथा दीर्घकालीन प्रभाव पार्ने गर्छ ।

७. हर्मोनको गडबडी

माइक्रोवेभमा बनाएको खानाको सेवनले हर्मोन सम्बन्धी समस्या निम्तने गर्छ । माइक्रोवेभमा बनाएको खाना खानाले हर्मोनको निर्माण प्रक्रियामा असर पर्छ । यसले महिलालाई मात्र नभई पुरुषको हर्मोनलाई समेत प्रभावित पार्छ ।

८. एकाग्रताको कमी

नियमित रूपमा माइक्रोवेभमा बनाएको खानाको सेवन गर्नाले व्यक्तिको स्मरण शक्ति, एकाग्रता तथा वौद्धिक क्षमतामा प्रतिकूल असर पर्छ । विशेषगरी यसबाट आउने विकीरणकै कारण व्यक्तिमा एकाग्रताको कमी हुनुका साथै भावनात्मक अस्थिरता कायम हुने गर्छ ।

बच्ने उपाय

-आवश्यकता अनुसार मात्र माइक्रोवेभको प्रयोग गर्नुपर्छ । यसको प्रयोग जति कम गर्न सक्यो, स्वास्थ्यका लागि उत्ति नै फाइदाजनक हुन्छ ।

-माइक्रोवेभलाई खाना पकाउनका लागि नभचई तताउनका लागि मात्र उपयोग गरौ ।

-माइक्रोवेभमा खाना तताउँदा सकेसम्म कम खोल्नुपर्छ । अन्यथा यसको हानीकारक विकीरणले स्वास्थ्यमा प्रतिकूल असर पार्न सक्छ ।

-यसको प्रयोग गर्दा टाढै बस्नुपर्छ किनभने यसको विकीरण १२ सेन्टीमिटर टाढासम्म फैलन्छ ।

-ओभन पुरानो भइसकेको छ भने यसको नियमित जाँच गर्नुपर्छ ।

रातिको खानापछि के गर्ने के नगर्ने ?

१. बेलुकीको खाना खाइसकेपछि जंकफुड खाने गल्ती कहिल्यै गर्नु हुँदैन ।

२. कतिपयले खानापछि चिया-कफी लिने गर्छन्, जसलाई स्वस्थकर मानिँदैन । तर, सुत्नुअघि पिउने एक कप ‘ग्रिन टी’ले भने शरीरलाई स्वस्थ राख्न मद्दत पुर्‍याउँछ ।

३. साँझको खानापछि तत्काल सुत्नु पनि स्वास्थ्यका लागि फाइदाजनक होइन । यसो गर्दा शरीरको तौल बढ्नुका साथै शरीरमा मेटाबोलिजमको मात्रा कमी हुन जान्छ ।

४. बेलुकीको समय धेरै खानुलाई पनि राम्रो मानिदैन । बढी खाँदा ओभरइटिङको समस्या हुन जान्छ । जसका कारण शरीरमा क्यालोरी बन्न समस्या उत्पन्न हुन्छ ।

५. खाना खाइसकेपछि इभिनिङ वाक गर्दा शरीरलाई निकै फाइदा पुग्छ । यसो गर्दा पेटको एकै ठाउँमा खाना जम्मा हुन पाउँदैन र पेटको सम्भावित रोगबाट पनि बच्न सघाउ पुग्छ ।

यी खानाले बढाउछ सेतो रक्ताकोसिका

रगतमा सेतो रक्तकोशिका हुने गर्छ जसलाई ल्युकोसाइट्स पनि भनिन्छ । यस्तो कोशिका मुख्यतया पाँच प्रकारका हुन्छन् । यो नियमित बन्ने र नष्ट हुने गर्छ ।

सेतो रक्तकोशिकाले रगतलाई जम्न दिँदैन र शरीरमा एन्टिबडिजको निर्माण गरी रोगको जीवाणुलाई नष्ट गर्ने काम गर्छ । यसका साथै यसले विभिन्न संक्रमणबाट पनि टाढा राख्ने काम गर्छ ।

एक स्वस्थ व्यक्तिमा सेतो रक्त कोशिकाको संख्या चार हजारदेखि ११ हजार प्रतिमाइक्रोलिटरसम्म हुन्छ । यी हुन् सेतो रक्तकोशिका बढाउने घरेलु उपाय

भिटामिन ई

सेतो रक्तकोशिका बढाउनका लागि भिटामिन ई सबैभन्दा महत्वपूर्ण मानिन्छ । यसले प्रतिरक्षा र एन्टिअक्सिडेन्टको स्तरलाई पनि वृद्धि गराउँछ ।

त्यस्तै, यसले क्यान्सरका कोशिका र घातक जीवाणु नष्ट गर्ने कोशिकाको उत्पादनमा पनि सहयोगी भूमिका खेल्छ । त्यसैले, प्रौढ अवस्थामा अझ बढी भिटामिन ईको प्रयोग गर्नु पर्छ ।

भिटामिन सी

भिटामिन सीले प्रतिरक्षा प्रणालीलाई मजबुत बनाउन मद्दत गर्छ जुन विभिन्न फलफूलबाट प्राप्त गर्न सकिन्छ । जस्तै– कागती, सुन्तला, जुनार आदि ।

शरीरमा भिटामिन सीको मात्रा बढाउन औषधि प्रयोग पनि गर्न सकिन्छ । यस्तो भिटामिनले सेतो रक्तकोशिका बढाउने मात्र नभएर एन्टिबडिजलाई बढाई ब्याक्टेरियासँग लड्ने शक्ति पनि प्रदान गर्छ ।

दही

दहीबाट भिटामिन डीको मात्रा पाइन्छ । भिटामिन डीले शरीरलाई कैयौँ रोगबाट रक्षा गर्ने काम गर्छ । यसले सेतो रक्तकोशिकालाई बढाउन पनि महत्वपूर्ण भूमिका खेल्छ ।

ब्रो काउली

ब्रो काउलीको माध्ययमबाट पनि शरीरमा सेतो रगतको कोशिकालाई बढाउन सकिन्छ । यसबाट भिटामिन ई र सीलगायत कैयौँ एन्टिअक्सिडेन्ट प्राप्त हुन्छ ।

यस्तो काउली तरकारीका रूपमा प्रयोग गर्न सक्नुहुन्छ । तर, यसलाई बढी पकाउँदा भने पौष्टिक तत्व नष्ट हुने डर हुन्छ । ब्रो काउलीलाई सलादका रूपमा पनि प्रयोग गर्न सकिन्छ ।

पालकको साग

पालकको सागमा भिटामिन सी, एन्टिअक्सिडेन्ट्स र बिटाक्यारोटिन नामक तत्व हुन्छ । यसको प्रयोगले प्रतिरक्षा प्रणालीलाई पनि बलियो बनाउने काम गर्छ । ब्रो काउलीजस्तै यसलाई पनि कम पकाउनु पर्छ ।

ग्रिन टी

सेतो रक्तकोशिकालाई बढाउनका लागि ग्रिन टीको पनि प्रयोग गर्न सक्नुहुन्छ । यसबाट फ्लोबोनाइड र एन्टिअक्सिडेट्स प्राप्त हुन्छ जसले रक्तकोशिकालाई बढाउने काम गर्छ । यसको प्रयोगले क्यान्सर र मुटुको रोगलाई पनि सुरक्षित गर्न मद्दत पु-याउँछ ।

पर्याप्त निद्रा

पर्याप्त निद्राले तपाईंको मुडलाई ठीक बनाउने काम गर्छ । यसले ऊर्जाको स्तर सही बनाउँनुका साथै विभिन्न समस्याबाट पनि टाढा राख्छ । पर्याप्त निद्राले सेतो रक्तकोशिकालाई दोब्बर बनाउनसमेत मद्दत गर्छ ।

खाना खादा गरिने गल्तिहरु जसले स्वास्थ्यमा असर गरिरहेको हुन्छ

कतिपय सामान्य आनीबानीले पनि हाम्रो स्वास्थ्यमा प्रतिकुल असर गरिरहेको हुन्छ । जस्तो कि, खाना खाने शैली, नुहाउने तरिका, हिँड्ने, सुत्ने, बस्ने ।

सामान्यतः के भनिन्छ भने स्वस्थ्य जीवनको लागि स्वस्थ्य दिनचर्या पालना गर्नुपर्छ । यसमा कस्तो खाने भन्ने मात्र होइन, कसरी खाने भन्ने कुराले समेत अर्थ राख्छ । कहाँ हिँड्ने भन्ने कुरा मात्र होइन, कसरी हिँड्ने भनने कुराले अर्थ राख्छ । कतिबेला सुत्ने भन्ने कुरा मात्र होइन, कसरी सुत्ने भन्ने कुराले पनि अर्थ राख्छ ।

स्वस्थ्य दिनचर्याका लागि उचित आहार, बिहार र बिचार महत्वपूर्ण हुन्छ । यससँगै खाने तरिका, सुत्ने तरिका, बस्ने तरिका पनि सहि हुनुपर्छ ।

खाना खादा के गर्नु हुन्छ र के गर्नु हुदैन ?

१.खाना खाँदा बोल्नु हुँदैन । जुत्ता चप्पल लगाएर, उठेर, नराम्रा कुराहरु हेर्दै र सुन्दै खाना खानु हुँदैन ।

२.दक्षिण दिशातर्फ फर्केर खाना खान हिन्दुधर्म ग्रन्थहरुमा निषेध गरिएको छ । दक्षिण दिशातिर फर्केर खाएको खानाले शरीर र स्वास्थ्यमा विभिन्न प्रकारका समस्याहरु दिने गर्दछन् । त्यसकारण सकेसम्म खाना खाँदा पूर्व वा उत्तरतिर फर्केर नै खानुपर्छ । पश्चिमतिर फर्केर खानुलाई पनि ठिकै मानिएको छ ।

३.आयुर्वेदमा खाना खानु भन्दा ठीक अघि पछि र खाना खाने समयमा पानी खानु हुँदैन भनेको छ । खाना खाँदा पानी पिएमा त्यसले विषको काम गर्छ भन्ने मान्यता छ । यस कुरालाई भौतिक विज्ञानले पनि स्वीकारेको छ ।

४.खाना खाइसकेपछि बज्र आसनमा बस्नाले खाएको कुराहरु पच्दछ । खाना खाएपछि १०० पाइला हिँड्नाले शरीरलाई अनावश्यक मोटो हुन दिँदैन भन्ने कुरा आयुर्वेदमा भनिएको छ ।

५.खाने बित्तिकै सुत्यो भने अनेक प्रकारका रोगहरु लाग्छन् । मोहीले पाचन क्रियालाई मजबुत बनाउने भएकाले खाना खाएपछि मोही खानु उत्तम हुन्छ । खानेबित्तिकै ध्यान गर्न, व्यायाम गर्न, शरीरमा तेल लगाउन हँुदैन ।

६.चुठेपछि चिसो हातले आँखामा स्पर्श गर्नाले आँखा तेजिलो हुन्छ भन्ने शास्त्रीय मान्यता छ । खाना सकेसम्म चरेशको थालमा खानु उत्तम हुन्छ ।

७.आफूले नसक्ने खाना जुठो लगाएर फाल्नु हुँदैन, यसो गर्नाले घरमा दरिद्रता लाग्दछ भनिन्छ । नरुच्ने र नपच्ने खाना खानु हुँदैन । महर्षि चरकले दीर्घ जीवनको लागि कम खाना खानु भनेका छन् ।

८.यज्ञवल्क्यका अनुसार पेटको पाँच भागमध्ये तीन भाग अन्न, एक भाग पानीले भर्नुपर्छ भने एक भाग हावाको लागि खाली नै राख्नुपर्छ । यसरी भोजन गर्ने मानिस पेटका रोगहरुबाट पीडित हुनुपर्दैन र उसले स्वस्थ र शान्तसँग आफ्नो जीवनयापन गर्न सक्दछ भन्ने शास्त्रीय मान्यता छ ।

खाना खानसाथ हिँड्नु ठिक कि बेठिक ?

खाना खानसाथ तुरुन्तै हिँड्नु सहि हुँदैन । किनभने यसले रक्त संचारमा प्रभाव पार्छ । यस्तोमा पाचन प्रक्रिया पनि सहि हुँदैन । खाना खाएको आधा घण्टापछि मात्र टहल्नु राम्रो हो ।

खाना खाए लगत्तै चिया पिउनु ठिक कि बेठिक ?

खाना खाएको दुई घण्टाबीचमा चिया पिउनु हुँदैन । किनभने चियाको पातमा एसिडिक तत्व हुन्छ । त्यसैले खाना खाए लगत्तै चिया पिउँदा प्रोटिनको डाइजेशन सहि ढंगले हुन पाउँदैन ।

खाना खानसाथ फलफूल सेवन गर्नु ठिक कि बेठिक ?

खाना खाएको एक घन्टापछि मात्र फलफूल सेवन गर्न सकिन्छ । खाना खाए लगत्तै फलफूल सेवन गर्दा त्यो पचाउन गाह्रो हुन्छ । त्यसको न्यूटि्रशन शरीरले ग्रहण गर्दैन । फलतः एसिडिटी वा डाइसेसनको समस्या हुनसक्छ ।

के गर्ने सकिन्छ खाना खाये लगत्तै ?

खाना खानसाथ चिया, कफी, पानी पिउनु पनि ठीक हुँदैन । यद्यपी खाना खानुअघि र खाना खाए लगत्तै थोरै पानी पिउनु राम्रो हो, जसले पचाउन मद्दत गर्छ । खाना खाइसकेपछि सुत्नु वा सुत्ने पोजिसनमा बस्नु पनि पाचन यन्त्रको लागि अनुकुल हुँदैन । खानालाई राम्ररी पचाउनका लागि खाना खाए लगत्तै बज्रासनमा बस्नुपर्छ । कम्तिमा पाँच मिनेट यो आसनमा बस्नु राम्रो मानिन्छ ।

केहि टिप्स हरु

घ्यू–तेल तथा अन्य चिल्लोको मात्रा जति सक्यो कम प्रयोग गर्नु उचित हुन्छ ।

खाना पकाउन शुद्ध तोरीको तेल सबैभन्दा उत्तम हुन्छ ।

नून दैनिक ३ देखि ५ ग्रामभन्दा बढी प्रयोग गर्नुहुँदैन । नून थपेर खाने बानी छोड्नुपर्छ ।

बिहान–बेलुकीको खानामा हरियो सागले फाइदा गर्छ ।

दैनिक कम्तीमा एकपल्ट फलफूल खानुपर्छ ।

बेलुकीको खानामा २–३ वटा सुख्खा गहुँको रोटी, साग र मौसमी तरकारी हुनुपर्छ ।

बेलुकीको खाना ८ बजेभित्र खाइसक्नुपर्छ ।

बिहान एक छाक मात्र भात खाने गर्नुपर्छ ।

खानाको मात्रा सबैका लागि एकैनास हुँदैन । शारीरिक श्रम बढी गर्नेले धेरै र कम गर्नेले थोरै खानुपर्छ । काम कम माम धेरै गर्नुहुँदैन ।

बेलुकीको खाना खाएपछि कम्तीमा दुई घण्टापछि मात्र सुत्नुपर्छ ।

शाकाहारी हुनु मुटुका लागि फाइदाजनक छ । तर नियन्त्रित रूपमा माछा मासु खाएमा हानि हुँदैन । खसी, राँगो, बंगुरको मासुले कोलेस्टेरोल धेरै बढाउँछ ।

माछा र कुखुराको मासुले कम बढाउँछ । चिल्लो नराखी माछा र कुखुराको मासु पकाउने तरिका सिक्नुपर्छ । यस्तो खानाले हानि गर्दैन । माछामासु बिहान र दिउँसोको खानामा मात्र प्रयोग गर्नुपर्छ । बेलुकी माछा मासु नखानु नै उत्तम हुन्छ ।

उच्च फाइवरयुक्त खानाले मुटुलाई फाइदा गर्छ । खानामा फाइबरको प्रमुख स्रोत गहुँ, गेडागुडी, हरियो सागपात हुन् ।

गेडागुडीलाई अंकुरित रूपमा खानु अझ बढी लाभदायक हुन्छ । फापर, कोदो, जौ, मकैले पनि मुटुलाई फाइदा गर्छ ।

हाम्रो गाँउघरमा धेरै प्रयोगमा आउने गुन्द्रुक, आँटो, फापर र कोदोको रोटी, कूरिलोको सूप, कोइरालो, तीते करेला र केराको बुङ्गाको अचार, निउँरोको र लौकाको तरकारी, भुटेको मकै, भट्मास, चना, केराउ, दाँते ओखर आदिले मुटुलाई फाइदा पुर्याउँछ ।

खाना थोरै–थोरै गरेर धेरैपल्ट खानु उचित हुन्छ ।

दुई छाक मात्रै पेट कसिने गरी खाने र लगत्तै सुत्ने बानी मुटुका लागि खतरनाक हुन् । त्यसैले थोरै तर धेरैपल्ट उचित खाना खाएर आहार व्यवस्थापन गर्नुपर्छ ।

बेलुकीको खानामा दैनिक एक पोटी काँचो लसुन खाँदा फाइदा हुन्छ । यसले रगतको कोलेस्टेरोल घटाइ एस्पिरिनले जस्तै रगतलाई पातलो बनाउँदछ ।

तपाईलाई यो जानकारी कस्तो लाग्यो ? हाम्रो जानकारीहरु अरुलाई पनि देखाउन कृपया सेयर गर्नुहोला ।
तपाइको एक सेयरले थाहा नभएकाहरुले ज्ञान पाउछन भने हामीलाई पनि सहयोग हुनेछ ।