प्रथम वडा स्तरीय क्रीकेट प्रतियोगिताको उपाधी १ नम्वर वडालाई

पथरीशनिश्चरे, २९ माघ/ 
मोरङको पथरीशनिश्चरे नगरपालिकास्थित नगर खेलकुद विकास समितिले आयोजना गरेको प्रथम वडा स्तरीय क्रीकेट प्रतियोगिताको उपाधी वडा नम्बर १ ले हात पारेको छ ।


वडा नम्बर ७ सँगको फाइनल प्रतिष्पर्धामा ९३ रनको फराकिलो अन्तरले वडा नम्बर १ बिजयी बनेर ३० हजार नगद मेडल, ट्रफी हात पारेको छ । उपविजेता बनेको ७ नम्वर वडाले १५ हजार नगद, मेडल, ट्रफी प्राप्त गर्यो । टस जितेर ब्याटिङ रोजेको १ नम्बर वडाले निधारित २० ओभरको समाप्तिसँगै ८ विकेटको क्षतिमा १ सय ८६ रन जोडेको थियो । जसमा एमएस राईले उत्कृष्ट ब्याटिङ प्रस्तुत गर्दै अविजित अर्धसतक बनाएका थिए । त्यसमा एन्जल राईले ४२ तथा दिपेश श्रेष्ठले ३८ रनको योगदान गरे ।

१ सय ८७ रनको बिजयी लक्ष्य लिएर फिल्डिङमा उत्रिएको वडा नम्बर ७ ले ओभर समाप्तिसंगै ९२ रनमा सिमित हुनपुग्यो । उबल राई, सुचन गुरुङ्ग र दिवश पुरीले समान २÷२ विकेट लिए भने विजय मगरले १ विकेट लिएका थिए । ब्याटिङका लागि मैदान उत्रिएको वडा नम्बर ७ का रोहन लिम्बू, पुकार राई र विजय मगर बाहेक अन्यले दोहोरो अंक जोड्न सकेनन । वडा नम्बर ७ लाई सस्तैमा समेट्ने क्रममा एमएस राईले सर्वाधिक ३ विकेट लिए भने दिपेश श्रेष्ठ, रावन राई र सागर कटुवालले समान २÷२ र बोधराज बस्नेतले १ विकेट लिएका थिए ।

प्रतियोगितामा उपविजेता टिमका विजय मगर उत्कृष्ट ब्याट्सम्यान घोषित भए भने अन्य बिधामा विजेटा टिमले कब्जा जमायो । खेलको उत्कृष्ट बलर तथा फाइनल खेलको म्यान अफ द म्याचमा एमएस राई, उत्कृष्ट फिल्डरमा राकेश राई, उदियमान खेलाडीमा सागर कटुवाल, म्यान अफ द सिरिजमा राजु राई घोषित हुँदै पुरस्कृत भए ।

समापन कार्यक्रममा, वडा नम्वर १ का अध्यक्ष बाबुराम एङदेन सहितका जनप्रतिनिधिले पुरस्कार वितरण गर्नुभयो ।
माघ २५ गतेबाट शुरु भएको प्रतियोगितामा नगरका १० वडाका १० टिमको सहभागिता रहेको थियो । प्रत्येक वडामा एक खेल अभियान अन्तरगत वडा नम्वर १ ले यो खेलको संयोजन गरेको नगर खेलकुद विकास समिति संयोजक मणि लिम्बूले जनाउनु भयो ।



Leave a Reply

Your email address will not be published. Required fields are marked *

Recent Posts

बहु प्रतिक्षित चलचित्र “पुरानो बुलेट”को ट्रेलर आज सार्वजनिक ( भिडीयो सहित )

युद्धको नजिक भारत–पाकिस्तान : सीमाक्षेत्रमा १४० सैनिक विमान यसरी होमिए !

फिपराज बेघाको ‘फस्ट लभ’ सार्वजनिक

बहु प्रतिक्षित चलचित्र “पुरानो बुलेट”को ट्रेलर आज सार्वजनिक हुने

नगर खेलकुद विकास समितीको आयोजनामा फागुन ७ र ८ गते पथरी शनिश्चरे ८ मा पुरुस भलिबल हुदै

प्रभात सामुदायिक युवा क्लबको अध्यक्ष पदमा युवा समाजसेवी नबिन कार्की सर्बसम्मत चयन

ट्राफिक प्रहरीको सक्रियतामा बसपार्क सरसफाई कार्यक्रम

मृत अवस्थामा मोरङको पथरीशनिश्चरेको जंगलमा भेटिएको शव काठमान्डौकी सावित्रा खतिवडाको भएको पुस्टि